२०८१ माघ ३ बिहीबार
16 January 2025, Thursday
पौष ८ गते,काठमाडौँ —राष्ट्रिय स्वतन्त्र पार्टी(रास्वपा) ले उपसभापति डीपी अर्याललाई कार्यवाहक सभापतिको जिम्मेवारी दिएको छ ।आज सचिवालयको बैठकले कार्यवाहक सभापति तोकेको हो ।
सभापति रवि लामिछानेले पार्टीको कार्यवाहक सभापति अर्याललाई दिने पत्र पठाएको र उक्त प्रस्ताव पार्टीको सचिवालय बैठकले अनुमोदन गरेको रास्वपाले जानकारी दिएको छ । पार्टीको सचिवालय बैठक भर्चुअल बसेको र सचिवालय बैठकमा केन्द्रीय समिति बैठक चाँडै बस्नेबारे पनि छलफल गरेको बुझिएको छ।
रास्वपा सभापति रवि लामिछानेविरुद्ध सम्पत्ति शुद्धीकरण कसुरमा समेत अभियोगपत्र दर्ता भएपछि सांसद पद स्वतः निलम्बनमा पर्ने भएको छ । लामिछाने सांसदबाट निलम्बित भएपछि रास्वपा संसदीय दलले पनि नयाँ नेता चुन्नुपर्नेछ । संसदीय दलको बैठक तत्काल बोलाइएको छैन, संसद् अधिवेशन आह्वान गरेपछि बस्ने बताइएको छ ।
समाचार ब्युरो
नेपाली मिडिया नेटवर्क
