२०८२ फाल्गुन ६ बुधबार
18 February 2026, Wednesday
Nepali Media Network 
माघ १८ गते,काठमाडौँ —१५ मिनेटको बहिष्कारपछि राष्ट्रिय स्वतन्त्र पार्टी(रास्वपा) का सांसदहरू प्रतिनिधिसभा बैठकमा फर्किएका छन् । उनीहरूले बोल्नका लागि सभामुखबाट समय नपाएपछि बैठक १५ मिनेटको लागि बहिष्कार गरेका थिए ।
प्रधानमन्त्री बोलिरहेका बेला रास्वपा सांसद सदनको बैठकमा फर्किएका हुन् । रास्वपा सांसदहरूले प्रधानमन्त्री बोल्नुअघि प्रतिनिधिसभा बैठक बहिष्कार गरेका थिए ।
सभामुख देवराज घिमिरेले आफूहरूको कुरा नसुनेको नहींभन्दै रास्वपाले प्रतिनिधिसभा बैठक बहिष्कार गरेको हो । रास्वपाका उपनेता विराजभक्त श्रेष्ठले आफूहरूलाई दोस्रो दर्जाका सांसद ठानिएको बताए । उनले भने, ‘ हामीलाई दोस्रो दर्जाका सांसदहरू ठानियो । हामी यो बैठक १५ मिनेटको लागि बहिष्कार गर्छौं ।’
प्रतिनिधिसभाको पाँचौँ अधिवेशनको पहिलो बैठकको सुरुमा नै रास्वपाले अवरोध गरेको थियो । रास्वपाले आफ्ना विषय राख्नुपर्ने भन्दै समय मागेर सिटबाट उठेर अवरोध गरेको हो । सभामुख देवराज घिमिरेले रास्वपाका सांसदहरूलाई बस्न र सभाको कारबाही अगाडि बढ्न दिन आदेश गरेका थिए । तर, रास्वपाका सांसदहरूले भने आकस्मिक समयमा कुरा राख्नुपर्ने भएकाले समय माग गरेका थिए ।
समाचार ब्युरो
नेपाली मिडिया नेटवर्क